कबीरदास
CLICK HERE FOR KABEER DAS NOTES APLUS TOPER
कबीर के दोहे
1 ആരാണു മോശമെന്നറിയാനിറങ്ങി ഞാൻ
ആരെയും കണ്ടില്ല ചീത്തതായിവിടെ ഞാൻ..
ഞാനെന്റെയുള്ളിലേയ്ക്കൊരു യാത്ര പോയപ്പോൾ
ഏറ്റവും മോശമായ് കണ്ടതെന്നെത്തന്നെ !
മറ്റുള്ളവരുടെ ദോഷങ്ങൾ കാണാതെ '
നമ്മെ തിരുത്തുവാൻ നോക്കണമേവരും....
2 വിനയമാണു മഹത്തരമേവർക്കും
അഹമെന്ന ഭാവത്തിലീശ്വരൻ വാഴില്ല !
ഉറുമ്പെത്ര ചെറുജീവിയെങ്കിലുമതിൻ കയ്യിൽ മൂല്യമേറുന്ന ശർക്കരയാണെപ്പൊഴും !
ആനതൻ മസ്തകത്തിൽ പൊടിയാണെല്ലായ്പ്പൊഴും
എത്രയോ വലിയ ജീവിയാണതെന്നിട്ടും ...
അഹങ്കരിപ്പവനെ ആരുമേ യാദരിയ്ക്കി--
ല്ലെന്നറിഞ്ഞീടുക നാം
വിനയം സൂക്ഷിയ്ക്കുക !
3 ദുഖത്തിലോർക്കുന്നു നാം ദൈവത്തെ മനതാരിൽ
സന്തോഷമെത്തും നേര മീശനെ മറക്കുന്നു...
ആനന്ദമേറെയുള്ളിൽ തോന്നുന്ന നേരത്തും നാം
ദൈവത്തെയോർത്തീടുകിൽ
ദുഖവും ദൂരെപ്പോകും !
സുഖ- ദുഖസമ്മിശ്രമാം ജീവിതത്തിലെപ്പോഴും
ഈശനെ സ്മരിക്കുക
ശാന്തിയോടെ വാഴുക !
4 കാമവും ക്രോധവും പിന്നെ അത്യാഗ്രഹങ്ങളും
മാനവനുണ്ടായിടീൽ ഭക്തിയെങ്ങനെ കൈവരും !
ജാതിയും കുല - വർണ്ണമേ തുമില്ലാതെ നമ്മൾ
സമത്വമോടെ വാഴ്ക
അവനേ ധീരൻ മന്നിൽ !
5. ദൈവമേ! എന്റെ കുടുംബം കഴിയുവാനുള്ള പണം മാത്രമെനിയ്ക്കായ് നീയേകുക !
ഞാനും വിശപ്പിൽ തളരാതിരിയ്ക്കണം
സാധുജനങ്ങളും
വിശക്കാതിരിയ്ക്കണം !
ആർത്തിയോടിന്നു മനുഷ്യരോടീടുന്നൂ ഭ്രാന്തരായ്
പണമെത്ര കിട്ടിയാൽ
തൃപ്തി കൈ വന്നിടും !
ഡോ. സംഗീത പൊതുവാൾ
No comments:
Post a Comment